Distriktsmeisterskap

Skeitreffen 2025 – Musikk, trekkspel og dans på Jølster

Distriktsmeisterskap for NTL Vestland og NTL Møre og Romsdal

På denne sida finn du reglementet for distriktsmeisterskapen.

Påmeldinga er no stengd. Tevlinga går føre seg laurdag frå klokka 11.

Merk:

Det er gratis å delta på distriktsmeisterskapet, og deltakarane får gratis inngang på dansespelinga fredag og laurdag kveld. Det er ikkje gratis inngang på konsertane for deltakarane – til desse må ein kjøpe eigen billett.

Distriktsmeisterskap for NTL Vestland og NTL Møre og Romsdal – reglement

Arrangørar

Distriktsmeisterskapet vert arrangert av:

-Norske Trekkspilleres Landsforbund (NTL) – Møre og Romsdal-krinsen og Vestland-krinsen

-Foreininga Skeitreffen.

Føremål

NTL Møre og Romsdal og Vestland har som føremål å:

-Fremje utviklinga av trekkspelmusikken.

-Leggje til rette for godt samarbeid og vennskap mellom medlemmar, klubbar og orkester.

-Vera eit tenesteorgan for NTL-medlemmar i sine fylke.

Føremål med distriktsmeisterskapet

-Gjere trekkspelmusikken betre kjent.

-Skape ein møtestad for både aktive og passive tilhengjarar av trekkspelmusikk i ulike sjangrar.

-Motivere utøvarane til å utvikle seg vidare, og styrkje interessa for trekkspelmusikk i Møre og Romsdal og Vestland.

Dømming og premiering

-Kvar dommar nyttar poengskala frå 0 til 50. Poengsum nær 0 tyder ein dårleg prestasjon, medan poengsum nær 50 tyder ein svært god prestasjon.

-Det er tre dommarar i alle klassar.

-Poengsummen vert rekna som gjennomsnittet av dei tre dommarane.

-Resultatlister vert offentlege med poeng (gjeld ikkje rekruttklassen).

Rekruttklasse

-I denne klassa vert det ikkje gitt poeng.

-Alle deltakarar får premie eller medalje.

Klasseinndeling

-Klassane vert delte inn etter musikkform.

-I klassane for solistar, duettar, varieté, kammermusikk, orkestermusikk og underhaldningsmusikk skal deltakarane halde seg til musikkformer som ikkje høyrer til gammaldansklassane. (Dette gjeld ikkje klassane for durspel solist, durspel duett og delvis orkester junior.)

-For deltakarar i alle klassar vil det vere ein fordel å vise fram flest mogleg sider av seg sjølv som musikar(ar), ved å framføre eit program med musikkstykke i ulik stil og karakter.

Samspel med andre instrument er tillate (utanom i duettklassen).

Ein kan tevla i følgjande klassar:

Klasse	Stilart/instrumentering	Besetning	Alder	Speletid	Merknad
Durspelduett - Junior	Durspel	Duett	t.o.m. 15 år	Maks 12 min	Gjerne gammaldans og andre stilartar.
Durspelduett - Senior	Durspel	Duett	f.o.m. 16 år	Maks 15 min	Gjerne gammaldans og andre stilartar.
Durspelsolist - Junior	Durspel	Solo	t.o.m. 15 år	Maks 15 min	Vi oppmodar til andre stilartar enn gammaldans i denne klassa.
Durspelsolist - Senior	Durspel	Solo	f.o.m. 16 år	Maks 20 min	Vi oppmodar til andre stilartar enn gammaldans i denne klassa.
Gammaldans - Gruppespel	Gammaldans	Gruppe	Alle	–	Gruppe med inntil seks personar utanom komp. (6 + komp er maks.) Det skal spelast fire melodiar der danseartane vals, polka, reinlender og mazurka, eller nært beslekta danseformer, er representerte. Fele/hardingfele eller trekkspel/durspel skal vere det berande instrumentet.
Gammaldans - Trekkspelklubb / spelemannslag	Gammaldans	Klubb/lag	Alle	–	Gammaldans spelt av trekkspel-/durspelklubb, orkester eller spelemannslag. Det skal spelast fire melodiar der alle dei fire danseartane – vals, polka, reinlender og mazurka – eller nært beslekta dansar av desse, er representerte. I denne klassa må ein stille med minst fem deltakarar utanom kompet. Fele/hardingfele eller trekkspel/durspel skal vere det berande instrumentet.
Gammaldanssolist - Junior	Gammaldans	Solo	t.o.m. 15 år	–	Gammaldans spelt av solist på trekkspel eller durspel. Det skal spelast tre melodiar i ulike danseformer. Dansetakt og danseappell blir tillagt stor vekt i vurderinga av denne klassa.
Gammaldanssolist - Senior	Gammaldans	Solo	f.o.m. 16 år	–	Gammaldans spelt av solist på trekkspel eller durspel. Det skal spelast tre melodiar i ulike danseformer. Dansetakt og danseappell blir tillagt stor vekt i vurderinga av denne klassa.
Kammermusikk	Klassisk	Samspel	Alle	Maks 15 min	Klassisk musikk spelt av ei gruppe frå to til sju deltakarar. Om det er ein duett mellom to trekkspel, høyrer dette heime i klassa for trekkspelduett. Stemmene i partituret skal vere solistisk besette, og det skal spelast utan dirigent. Det blir oppmoda til samspel med andre instrument, men trekkspelet skal ha ei framtredande rolle.
Juniororkester / juniorspelemannslag	Open	Orkester	Junior	Maks 15 min	Eigna for elevorkester. Alle sjangrar. Trekkspel/durspel eller fele som berande instrument.
Nyskaping	Open	Open	Alle	–	Eigenkomponert slått eller stykke. Denne klassa er for dei som har ein ny, eigenkomponert slått eller stykke.
Open klasse	Open	Open	Alle	–	Frie stilartar og samansetjingar. Denne klassa er for dei som spelar i stilartar eller med instrumentkombinasjonar som ikkje passar inn i dei andre klassane. Her kan ein spele frå eitt til tre stykke/slåttar.
Orkestermusikk - Trekkspelorkester	Open	Klubb	Alle	Maks 15 min	Klassisk musikk spelt av trekkspelorkester. Det skal spelast komposisjonar eller arrangement med minimum tre stemmer. Andre instrument kan nyttast, men trekkspelet skal ha ei framtredande rolle.
Rekrutt	Open	Open	Alle	Maks 12 min	Ein klasse for nybyrjarar i alle aldrar som driv med trekkspelmusikk og/eller folkemusikk. Det er lov å delta både som solist og i gruppe. Klassen vert ikkje poengsett.
Underhaldningsmusikk - Trekkspelorkester	Open	Klubb	Alle	Maks 12 min	Underhaldningsmusikk spelt av trekkspelorkester. Andre instrument kan nyttast, men trekkspelet skal ha ei framtredande rolle.
Varietémusikk	Open	Solo	Alle	Maks 15 min	Solistisk underhaldningsmusikk på trekkspel. Det er ingen aldersinndeling, og musikken har ofte eit virtuost preg.
Trekkspelduett - Junior	Trekkspel	Duett	t.o.m. 15 år	Maks 12 min	-
Trekkspelduett - Senior	Trekkspel	Duett	f.o.m. 16 år	Maks 15 min	-
Trekkspelsolist - Junior	Trekkspel	Solo	t.o.m. 15 år	Maks 15 min	Vi oppmodar til andre stilartar enn gammaldans i denne klassa.
Trekkspelsolist - Senior	Trekkspel	Solo	f.o.m. 16 år	Maks 30 min	Vi oppmodar til andre stilartar enn gammaldans i denne klassa.

Merk: Nokre klassar kan bli slått saman dersom det er få påmelde!