Program

Her kan du sjå kva som skjer på Skeitreffen 2025!
På denne sida finn du oversikt over artistar som kjem, i tillegg til programmet nederst.

Under årets arrangement blir det òg arrangert distriktsmeisterskap i samarbeid med NTL (Norske Trekkspilleres Landsforbund) for NTL Vestland og NTL Møre og Romsdal.

Årets artistar:

Jovan Pavlovic

Prisbelønte Jovan Pavlovic er ein trekkspelspelarar med ei særmerkt blanding av jazz, klassisk og folkemusikk, og er ein godt etablert musikar, særleg kjent for det trønderske publikummet.

Musikk hans er prega av improvisasjon, rytmisk kreativitet og uventa vendingar.

Bak dette uttrykket ligg tiår med fordjuping i både norsk og internasjonal musikk. Kritikarane skildrar han som modig, nyskapande og umogleg å etterlikne. Dette er musikk som både groovar og rører.

Høyr det vakre spelet til Jovan her:

Longing - Jovan Pavlovic

Skultbakkalaget

Skultbakkalaget er ei gammaldansgruppe som består av fem tradisjonsmusikarar frå Nord-Gudbrandsdalen. Musikken er hovudsakleg tradisjonell gammaldans frå Ottadalen og Gudbrandsdalen.

Skultbakkalaget vart starta i 2012, då dei for første gong deltok på Landsfestivalen i gammaldansmusikk i Vågå. Då var dei rundt 16–17 år gamle, og sidan har dei halde fram med spelet.

Gruppa deltek aktivt på treff og festivalar, og speler jamt og trutt til dans både i aust og vest. Dei har også vunne Storefjelltreffen som beste dansespelgruppe både i 2023 og 2025.

Dei har spelt saman heilt sidan dei som små lærte å spele av Geir Marius Thorud, og har dermed utvikla eit tett og godt samspel med god driv.

Høyr Skultbakkalaget med framifrå dansetakt her:

Skultbakkalaget - Polka etter Olaf Hagen

Annika Andersson

Den svenske trekkspelaren Annika Andersson er kjend for sitt virtuose og energiske spel. Ho byrja å spele allereie som femåring og markerte seg tidleg som eit stort talent på instrumentet. I ungdomsåra turnerte ho mykje saman med Anders Larsson, og i 1999 vart ho kåra til Årets Dragspelare av Sveriges Dragspelares Riksförbund. Med sitt eige orkester har ho gjort seg bemerka på store festivalar som Bälgspelsveckan i Ransäter, og ho har også motteke Bröderna Lindqvists stipend for sitt engasjement for trekkspelmusikken.

Høyr det strålande spelet til Annika Andersson her:

Annika Andersson Trio

Farstad & Farstad

Farstad & Farstad er ei gammaldansgruppe frå Møre og Romsdal. Gruppa består av Åsmund A. Farstad på fele, Kristina Farstad Bjørdal og Marius Berglund på trekkspel, Kjartan Haugen Foss på gitar, og Bernt Hansen på bass.

Dette er framifrå, unge og framstormande musikarar med ein felles entusiasme for gammaldans og eldre folkemusikk. Dei har eit særleg hjarte for musikken frå Nordvestlandet, og arbeider målretta med å bevare denne musikkarven og formidle han vidare til publikum.

I gruppa spelar dei tradisjonsmusikk frå Nordvestlandet, med både komposisjonar og tradisjonelt stoff frå regionen. Repertoaret omfattar mykje musikk av til dømes Hans Geitvik, Per og P.M. Bolstad, Magne Maurset, Hallvard Ørsal og John Røen.

Farstad & Farstad har vunne dei tre siste fylkeskappleikane i Møre og Romsdal. I tillegg nådde dei finalen i gruppespel-klassen under Landsfestivalen i gammaldansmusikk, som vart arrangert i Førde i august 2023. Der enda dei opp med ein solid 5. plass av totalt 31 deltakarar frå heile landet.

Høyr Farstad & Farstad i godt driv:

Farstad & Farstad - Landsfestivalen 2023

Håvard Svendsrud og Øivind Farmen

To av Skandinavias fremste trekkspelarar, Håvard Svendsrud og Øivind Farmen, vender i år tilbake til Skeitreffen – ein arena dei har vore knytt til heilt sidan første halvdel av 1990-talet.

Med solid klassisk utdanning frå Barratt Due musikkinstitutt, har dei gjennom fleire tiår kombinert den klassiske tradisjonen med ein brennande interesse for folkeleg og tradisjonell trekkspelmusikk.

Saman har dei hatt sporadiske, men minneverdige opptredenar på radio, festivalar og konsertscener i over 25 år. No kjem dei til oss som duo, og publikum kan gle seg til eit variert og rikt program – med alt frå klassiske perler til fengande rytmar frå andre sjangrar.

Med eit samspel prega av erfaring, virtuositet og speleglede, lovar Svendsrud og Farmen å gi festivalpublikummet ei musikalsk oppleving utanom det vanlege.

Høyr Håvard og Øivind i vakkert samspel her:

Festmarsj av Rudolf Lund